Sunday, December 3, 2023

जम्मु-काश्मीरनि सपियाआव हरखाब बमा बेरफ्रुनायजों सा 3 सान्थ्रिफोरनि जोखोम

श्रीनगर, 2 जुन, 2022: जम्मु-काश्मीराव फिन उतखारिनि हरखाब गाग्लोबनाय जाथाया नुजाथिदों। सुलुंनिफ्राय मिथिनो मोन्नाय बादिब्ला, दिनै जम्मु-काश्मीरनि सपिया जिल्लायाव हरखाब उतखारिनि बमा बेरफ्रुहोनाय जाथायाव सा 3 सान्थ्रिफोरा जोखोम जादों। बमा बेरफ्रुनाय जाथायाव जोखोम जानाय सान्थ्रिफोरखौ थाबैनो देहा फाहामसालियाव थिसन्नाय जायो।

बे जाथायनि सायाव काश्मीरनि IGP आ बुंनाय बादिब्ला, गारिनि सिङाव IED बमाखौ बेरफ्रुहोनो थाखाय उतखारिया सिगांनिफ्रायनो थांखि लादोंमोन। बे थांखि बादियैनो दिनै बमाआ हरखाब बेरफ्रुनायाव सा 3 सान्थ्रिफोरा जोखोम जायो होननानै IGP आ मिथिहोदों। मखनो गोनांदि, बेनि माखासे सान सिगाङावबो उतखारिआ दाय गोयै सासे फावखुंग्रि आरो फोरोंगिरिखौबो इनायै बुथारखांबाय। रायखांनो गोनांदि, जम्मु-काश्मीरनि गुबुन-गुबुन जायगाफोराव दासान्दि उतखारिनि हेंथायै भारतनि सान्थ्रि हान्जाया गोख्रों अपारेसनखौ खालामगासिनो दं। जेराव, भारतनि सान्थ्रिआ गोबां उतखारिफोरखौ दासिम गावथारनो हानायाव जाफुंसारनायखौ मिथिनो मोन्दों।

BODOLAND रादाब
BODOLAND रादाबhttp://bodolandradab.in
Bodoland Radab Headquarter in Kokrajhar town of BTR, Assam is the Number 1 Bodo News Portal of Bodoland (Officially BTR).

Related Articles

LEAVE A REPLY

Please enter your comment!
Please enter your name here

Stay Connected

311,000FansLike
2,714FollowersFollow
203,000SubscribersSubscribe

Latest Articles