क’क्राझार, 25 जुलाइ 2022: आसामनि गुवाहाटी नोगोरमानि गेलेग्रा फोथाराव दासान्दि सोलिगासिनो दं ASSAM YOUTH OLYMPICS, 2022 बादायलायनाया । थांनाय 22 जुलाइनिफ्राय जागायजेन्नाय ASSAM YOUTH OLYMPICS नि गेलेनायाव दासिम माखासे गेलेमुनि बादायलायनाया जानानै थाङो। दिनै जुड’(JUDO) गेलेमुनि बादायलायनायाव क’क्राझार जिल्लानिफ्राय सा 5 गेलेगिरिफोरा मेडेल देरहानो हानायनि मोनसे गोजोन्थाव खौरांखौ मिथिनो मोन्दों। ASSAM YOUTH OLYMPICS आव क’क्राझार जिल्ला हान्जाखौ दैदेननाय गुबुन सासे बिबानगिरिया फोरमायहरनाय बादिब्ला, क’क्राझार जिल्लानिफ्राय जुड’ बादायलायनायाव मेडेल देरहानाय गेलेगिरिफोरनि मुङा जादों-जयदिप नाथआ सनानि मेडेल, सानसुला नार्जारिआ ब्रन्ज, जोंसार बसुमतारिआ ब्रन्ज, बिरदाव बसुमतारिआ ब्रन्ज आरो कानखाना बर्मनआ ब्रन्जनि मेडेलखौ देरहानो हानायाव जाफुंसारदों। मखनो गोनांदि, आसामनि गुबुन-गुबुन जिल्लानिफ्राय बाहागो लानाय सोलिफु ASSAM YOUTH OLYMPICS नि माखासे इभेन्टआव क’क्राझार जिल्लानिफ्राय गेलेगिरिफोरा मेडेल देरहागोननि मिजिंथिखौ फोरमायहरदों।
