उत्तर प्रदेशआव गंनै बासनि जाब्रबथायाव सा 8 सुबुंनि जिउ खहा आरो सा 16 जखम।

0
99
UP bus accident

उत्तर प्रदेश, 25 जुलाइ, 2022: उत्तर प्रदेशनि बाराबांकिआव मोनसे गिलुबालु लामानि जाब्रबथाइ जादों। गंनै बासआ मोगा मोगि सौग्रावलायनायनि जाहोनाव सा 8 सुबुंनि जिउआ खहा जायो। आरो सा 16 सुबुंफोरा गोब्राबै जखम जानो गोनां जायो। पुलिस बिफाना फोरमादोंदि बे जाथाइया नरेन्द्रपुर माड्राहा गामि खाथियाव जादों। गंनैबो बासआ बिहारनि सितामारि आरो सुपलनिफ्राय दिल्लि फारसे थांगासिनो दंमोन। बे समाव गोब्राबै जखम जानाय सुबुंफोरखौ Lucknow नि Trauma Centre आव फाहामथाइ होगासिनो दङ आरो एसे जखम जानाय सुबुंखौ CHC देहाफाहामसालिआव फाहामथाइ होगासिनो दङ। जिउ गोमानांनाय सुबुंफोरखौ पष्ट मर्टेम खालामनाय जाबाय।

बे दुखुनांथाव जाथाइखौ मिथिनो मोन्नानै उत्तर प्रदेशनि गिबि मन्त्रि यगि आदित्तनातआ गोथौ दुखु मोन्नायखौ फोरमायो। आरो लामानि जाब्रबथाइ जानाया जोबोर दुखुनांथाव होन्नानै फोरमायो। सरकारि बिफानखौ जाब्रबथाइ जानायजों बुगिनांनाय सुबुंफोरखौ बोखांनो आरो मोजाङै फाहामथाइ होनो थाखाय बिथोनखौ होयो। मखनो गोनांदि थांनाय सप्तायावबो गंसे गोख्रैथिजों खारनाय ट्राक गारिया सा 6 कानवारियाफोरखौ सौग्रावनानै जिउ खहा खालामदोंमोन। दुखुनांथाव, फिन खेबसेबाव लामानि जाब्रबथाइजों सा 8 सुबुंनि जिउआ खहा जाबावबाय।

LEAVE A REPLY

Please enter your comment!
Please enter your name here