गोदान दिल्ली,24 जुलाइ 2022: अखाफोराव गिबि आगान खौख्लैजेननो हानाया सुबुं सोद्रोमस्रिनि मोनसे गिदिर जारिमिनमोन। Apollo 11 Mission नि स्पेसक्राफ्ट कामान्डार Neil Armstrong आ 20 जुलाइ 1969 माइथायाव अखाफोराव गिबि आगान खौख्लैजेनदोंमोन।
मखनो गोनांदि, आमेरिकानि फ्लरिडा रायजोआव थानाय जन एफ Kennedy Space Center निफ्राय नासानि Apollo 11 Spacecraft आ 16 जुलाइ 1969 माइथायाव बिरदोंमोन।4 सान दावबायखांनायनि उनाव 20 जुलाइ 1969 माइथायाव Apollo 11 Spacecraft आ अखाफोरनि बिखाआव बाग्लायदोंमोन। जाय 21 घन्टा 31 मिनिटसिम अखाफोरनि बिखाआव थादोंमोन। Apollo 11 Spacecraft आ बाग्लाय खांनायनि उनाव Spacecraft कामान्डार Neil Armstrong आ अखाफोरनि बिखाआव थाबायदोंमोन। Neil Armstrong नि अखाफोरनि बिखायाव थाबायनाय आगानखौ 53 बोसोरनि उनावबो नुनो मोननाय जादों। बेयो सुबुं माहारिनि गेजेराव मोनसे जारिमिन बायदि जानानै थाबाय।
नासाआ बुंदों 2021 माइथायाव इउ एनआ 20 जुलाइखौ International Moon Day हिसाबै फालिनो बाथ्रा फोसावदोंमोन। जाय आउटार स्पेसखौ हारिमायारि हेफाजाब होनायखौ दिन्थियो।
