गुवाहाटी, 24 जुलाइ, 2022: आसामआव LPG Cylinder नि आंखाल जानांनो हागौ। नाथाइ मानि थाखाय LPG Cylinder नि आंखाल जानो हागौ। NEPLTA आफादा Indian Oil Corporation Limited (IOCL) खुंथाइनि हेंथायै सोमावसारदों। गावसिनि दाबिफोरखौ आबुं खालामनानै होयैनि थाखाय हेंथा खालामदों। ओनसोलनि LPG Cylinder दैथाइग्राफोरनि दाबिखौ सुफुङैनि थाखाय गोख्रोङै सोमावसारदों। जायनि जाहोनाव फैबाय थानाय समाव आसामआव LPG Cylinder नि जेंना जानांनो हागौ।
मिथिनो मोन्दोंदि, ओनसोलनि LPG Cylinder दैथाइग्राफोरा फैगौ समबारनिफ्राइ सारा आसामावनो थाद’नाय गैयै सोमावसारनायखौ जागायगोन। Northeast Packed LPG Transporter Association थामहिनबा NEPLTA आफादा बे थाद’नाय गैयै सोमावसारनायखौ फोसावनानै होदों। सा-गुवाहाटी प्लान्ट, तिनिसुकिया गपानारि प्लान्ट, सरपारा प्लान्ट , बङाइगाव, डिमापुर, सिलचर आरो डुलियाजान प्लान्टआ सोमावसारनायखौ मदद होनो थाखाय बन्द’ थाजोबगोन। जेब्लासिम गावसिनि दाबिखौ सुफुङा अब्लासिम बन्द’ थागोन। जाहोनाव सारा आसामावनो संग्रा LPG Cylinder नि जेंनाजों मोगा-मोगि जानो हागौ होन्नानै मिथिनो मोन्नाय जादों।
