सिकिम, 23 जुलाइ 2022: 21 जौथायाव जों जायखिजाया आधुनिक आदोबनि हेफाजाबजों खौरां-जाथायफोरखौ थाबैनो मिथिनो हागासिनो आरो सासेआ गुबुन सासेजों फोनांजाब खालामनो हादों। नाथाय मोनसे सम दंमोन, जेराव सासेआ गुबुन सासेजों थाबैनो खौरां मोनलायै राहानि खाबुआ जोंनि गेजेराव गैयामोन। जायनि थाखाय POST OFFICE नि गेजेरजों लाइजाम दैथायहरनो गोनां जायोमोन। खमैबो 1.55 लाखनिबो बांसिन भारतीय POST OFFICE आ मुलुगनि गेजेरावनो सुबुंफोरनो लाइजाम दैथायनायनि सिबिथायखौ होबोदों। जर’खायै हादरनि गेजेराव ओरैबादि POST OFFICE दंबावो, जेराव बेनि लाइजाम दैथायनाया राहाआ जोबोद मख’जाथाव।
हिमाचल प्रदेशनि ट्राइबेलफोर थानाय लाहौल-स्पितीनि घाटीआव गासै 14,567 फुट गोजौआव मोनसे POST OFFICE दं । मुलुगनि गेजेरावनो बे POST OFFICE आ बयनिख्रुइबो गोजौसिन हाजो सायाव फसंजानाय । मखनो गोनांदि, 1983 माइथायाव गायसन्नाय बे POST OFFICE खौ गोदान जौगाखां आदोबजों बानायफुंनाय जादों। अदेबानि, बे POST OFFICE खौ गोदान महराव बानायफुंनायजों आरोबाव दावबायारिफोरनि थाखाय जोबोद नायथावना जादों होन्नानै जायगानि सुबुंफोरा फोरमायदों। सुलुंनि बादिब्ला, हिमाचलनि स्पीतिआव थानाय POST OFFICE आ दायो मुलुगनि गेजेरावनो मिथिसारजादों।
