गुवाहाटी, 23 जुलाइ, 2022: थांनाय माखासे सान सिगांनिफ्रायनो आसामाव AFRICAN SWINE FEVER आरो SWINE FLUE बेरामजों गोबां अमाफोरा थैगासिनो दङ। जाउनाव अमा फिसिग्रा गोबां फालांगिरिफोरा रांखान्थियारि जेंनाजों फालांगियाव खहा जानांदों। बे बेमारखौ नोजोर लाखिनानै अमा बायनाय फाननायखौ खुंथाइ बिफाना होबथागासिनो दङ। बेबायदिनो आसामनि गलघात जिल्लायावबो बेरामाव गोग्लैनानै गोबां अमाया थैदों। जायनि थाखाय जिल्ला बेंगिरिआ अमा फान्नायखौ होबथानो गोनां जादों। मख’नो गोनांदि बे बेरामा गलाघात जिल्लायाव गोख्रैयै गोसारगासिनो दङ।
गलाघातआव जिल्ला बेंगिरिआ CRIMINAL PROCEDURE CODE नि दफा 144 खौ फोसावनानै होदों। अमानि बेरामा बांनायनि जाहोनाव बे आयेनखौ जिल्ला बेंगिरिआ फोसावनानै होदों। आरो अमा फान्नायखौबो होबथादों। फोसाव बिलाइनि बायदिब्ला अमाखौ जिल्लानि सिङाव जेरावबो फान्नो मोन्नाय नङा। बे फोसाव बिलाइया फैगौ 22 आगष्टसिम थागोन। जाय सुबुङा फोसावनाय आयेनखौ मानियाजासे हाबा मावखुमागोन बिनि हेंथायै आयेननि गेजेरजों गोख्रों राहा लानाय जागोन होन्नानैबो मिथि होदों।
