गुवाहाटी, 14 आगष्ट, 2022: सरासनस्रायै फोरोंगिरिफोरखौ गुन आरो गियान गोनां होननानै साननानै लानाय जायो । नाथाय थारैनो सासे फोरोंगिरिआ गावनो जुनार आखुनि जानानै फरायसाफोरनो गुन गोनां सोलोंथाइ होनो हागोन ना ? आसामनि धेमाजि जिल्लायाव सोमजिदों मोनसे मुगैथाव जाथाय । सिशिबारगावनि भाबेलि मुंनि गामियाव गंसे सरकारि फरायसालिनि गाहाइ फोरोंगिरिआ सासे आइजोखौ जिनाहारि खालामदों । धर्मेश्वर सइकियाआ भाबेलि गुदि फरायसालिनि गाहाइ फोरोंगिरिमोन । सुलुं मोननाय बादिब्ला, हरनि समाव बियो खोमसिनि खाबु लानानै गावनि न’नि साखाथियावनो आइजोखौ इनायै जिनाहारि खालामदों । अदेबानि बे जाथाइखौ आइजोनि बिबाजैआ नुनानै राहा मोननो हस्रिखावनायाव नख’रनि साखाथिनि सुबुंफोरा जायगासिम सफैयो । बेनि उनाव लांसुनिया गाहाइ फोरोंगिरिखौ हमनानै पुलिस थानायाव हैयो । पुलिसआ बिनि सायाव (146/2022) इन्डियान पेनाल कडनि आन्डार सेक्सन 448 आरो 376 नि गेजेरजों सिलापतार पुलिस थानायाव केस थिसनो ।
