बीजिं, 6 सेप्तेम्बर 2022: चीन हादरनि खोला-सोनाब सिचुवाननि लुदिं काउन्टीआव समबारखालि 6.8 मेगनेटिउड गोख्रैथियाव बांग्रि मावनायजों सा 46 सुबुंफोरा जिउ गोमादों, लोगोसेनो गोबां सुबुंफोरा गोब्राबै जोखोम जादों । CHINA EARTHQUAKE CENTRE नि बादिब्ला, बे गिख्रंथाव गोख्रैथिजों सोमजिनाय बांग्रिआ सानजौफुनि 12.25 रिंगायाव जादोंमोन । EARTHQUAKE CENTRE नि 39 किलमिटार गोजानाव सोमजिदों आरो बेनि साखाथिनि गं 5 गामियाव गाज्रियै गोहोम गोग्लैदों ।
मख’नो गोनांदि चीन हादराव कभिड-19 महामारिनि जाहोनाव सुबुंफोरा जिउ गोमानायनि उनाव सुबुं अनजिमाया जोबोर खम जानानै दं । बेनि गेजेराव मिथिंगायारि जाथाइ बांग्रिजों सा 45 सुबुंफोरा जिउ गोमानांबावदों । बेजों लोगोसेनो 50 निख्रुइबो बांसिन सुबुंफोरा जोखोम जादों होनना खौरां मोन्दों । रिपर्टनि बादिब्ला, जिउ गोमानाय सुबुंफोरनि अनजिमाया आरोबाव बांबावनो हागौ । मानोना खायसे सुबुंफोरा जोबोद गोब्राबै जोखोम जादों आरो बिसोरो उननि समाव जिउखौ खोमानोबो गोनां जानो हागौ । बांग्रि मावखांनायनि उनाव गामिनि सुबुंफोरा ननिफ्राय बायजोआव ओंखारनानै समखौ हगारहरनो गोनां जादों । मानोना बिसोर गिखांनायनिफ्राय बारगनो हायाखैमोन । बांग्रि मावनायनि जाहोनाव मोब्लिब गोहोखौबो गामिनि सुबुंफोरा मोननो हायाखै ।
चीन हादरनि बेबादि थासारिखौ नुनानै भारतआ दुखु मोननाय फोरमायदों । बेनि गेजेरावनो चीन हादराव थैनायफोरनि अनजिमाखौ खमायनो थाखाय हादरगिरि सि जिनपिंगआ जोखोम मोननाय सुबुंफोरखौ गाहामसिन फाहामथाइ होनो थाखाय बिथोन होदों । बेजों लोगोसेनो हादरगिरिआ मिथिंगायारि जाथाइ बांग्रिनिफ्राय रैखा मोननो माखासे सांग्रांथि होदों ।
