गुवाहाटी, 7 सेप्तेम्बर, 2022: मोनसे सोमोनांथाव जाथाइ । 55 बोसोर बैसोनि सासे गलादारआ मंगलबारखालि 6 बोसोर बैसोनि उन्दै हिन्जावसानि सायाव उदखार खालामदों । रिपर्टनि गेजेरजों मिथिनो मोननाय बादिब्ला, हिनजावसानि बिमाया सानजौफुनि 1 रिंगायाव 1 नं फादुम नोगोरनि दुलाल आचार्जीनि गलायाव नख’रनि माखासे गोनां जानाय मुवाफोरखौ लायनो थिनहरदोंमोन । बे समावनो गलादारआ खाबु जानानै उन्दै हिनजावसाखौ गलानि सिङाव लेंहरनानै मुवाफोरखौ हरनाय मुङाव हिन्जावसानि सायाव गाज्रि आखु दिन्थिदोंमोन ।
हिनजावसाया न’ फारसे फैफिननायाव गोबाव जानायलाय बिमाया बिनाव सोंथि खालामदोंमोन । बेनि उनाव हिन्जावसाया गासैबो सैथो बाथ्राफोरखौ बिमानो फोरमायना होयो । बिमाया गुबै बाथ्राखौ मिथिनो मोननायनि उनाव गामिनि माखासे सुबुंफोरखौ लानानै गलासिम गलादारखौ सोंथि खालामनो थांदोंमोन । नाथाय गलादार दुलाल आचार्जीआ जाथाइखौ जेबो नोजोर होयालासेनो गलाखौ बन्द’ खालामनानै न’ फारसे थांदों । जायनि थाखाय गामिनि सुबुंफोरा रागा जोंखांनानै पुलिस थानायाव गलादारनि सायाव अजद हैयो । बेनि उनाव पुलिसआ थांनानै दायनिगिरिखौ हमनानै पुलिस थानासिम लानानै थांदों ।
