सोनाब बेंगल, 7 सेप्तेम्बर, 2022: सोनाब बेंगलनि मन्थ्रि मलय घतकनि नआव CBI आ सिग्रोमदों । कयलानि रां जाख्ल’नायनि अजदआव सिग्रोमदों । मखनो गोनांदि थांनाय बावयैसो सान सिगां फोरोंगिरिनि थिसन्थाइ होनायाव रां जाख्ल’नायनि अजदजों सिग्रोमनानै हमनाय जाथाइया सोङाव फैदोंमोन । जायनि जोहोनाव जाथाइजों सोमोन्दो थानाय दाय होजानाय सुबुंफोरा हमजादोंमोन । आरो Enforcement Directorate जों सिग्रोमजादोंमोन ।
बेबायदिनो फिन खेबसेबाव मलय घतक मुंनि सासे मन्थ्रिआ कयलानि रां जाख्ल’नायनि गसराव Enforcement Directorate जों गसरनि सायाव सोंथि दिखांजादों । थांनाय बुधबाराव CBI आ मन्थ्रिनि नआव थांनानै सिग्रोम हैदों होन्नानै मिथिनो मोन्दों । रिपर्टनि गेजेरजों मिथिनो मोन्नाय बायदिब्ला CBI आ सोनाब बेंगलनि मोन 6 थावनियाव सिग्रोमदों । असानसलआव थानाय त्रिनमुल कंग्रेशनि सासे दैदेनगिरिनि नआवबो सिग्रोमदों ।
