क’क्राझार, 7 सेप्तेम्बर, 2022: क’क्राझार जिल्लानि आबादारि बिफाननि बान्जायनायाव बे सांग्रांथियारि हाबाफारिखौ लानाय जायो । जिल्लानि सिङाव थानाय गासै गं 7 थावनियाव आसाम मिलेत बिथांखिनि सायाव सांग्रांथि होनाय हाबाफारिखौ बान्जायनाय जायो । बे हाबाफारियाव नडेल मावखगिरि श्री मुनिन्द्र नारायन दासनि नायदिंनाय आरो गसाइगाव आन्सलिक आबादारि नायबिजिरनायनि गाहाइ बिगियानि सुनिल कुमार पाल, जिल्लानि Agricultural Affairs आरो महकुमानि Agricultural Affairs जों लोगोसे आबाद जौगाखांनि बिबानगिरिफोरनि नुजाथिनायाव बे सांग्रांथियारि हाबाफारिखौ बान्जायनाय जायो ।
बे हाबाफारिआव आबाद आरो फालांगिनि आयदानि सायाव गुवारै सावरायनाय जायो । आसामनि आबादनि बिथिङाव मिलेत बिथांखिया थोजासे नङाब्लाबो आफां आसामनि गोबां ओनसोलावनो आबादारिफोरा सिगांनिफ्रायनो मिलेतनि आबादफोरखौ मावबोबाय थाबोदों । उन्दै गथ’फोरनि जानाय , आताखौ लानानै भिटामिन आरो गुबुन- गुबुन जाग्रा आदारफोरनि मोजां थावनिखौ मिलेतआ आवग्रिनोबो हादों । सरकारखौ मिलेत दिहुन्थाइनि सायाव मोजाङै नोजोर लाखिनानै हाबा मावनायखौबो नुनो मोन्दों । आसाम सरकार आरो आबाद बिफाना मिलेत बिथांखिनि गेजेरजों रायजोनि आबादारिफोरनि गेजेराव अनसाइनायखौ लाबोनो थाखाय हाबा मावनायखौबो नुनो मोन्दों । बेजों लोगोसे सरकारा मिलेत दिहुन्थाइनि थाखाय आबादारिफोरनो गोबां रोखोमनि सुजुख सुबिदाफोरखौ जगायबोनायजों लोगोसे आबादारिफोरा दिहुन्नाय मिलेत फसलफोरखौ माबोरै फान्नो हागोन बेनि थाखायबो फैबाय थानाय समायाव राहा खालामनानै होगोन ।
