गुवाहाटी, 7 सेप्तेम्बर, 2022: गुवाहाटीनि गंसे गारिनि स’रुमाव गिख्रंथावयै अर खामदों । बे जाथाइया गुवाहाटीनि बसिस्तनि साखाथिनि 37 नं माहारियारि राजालामायाव थानाय Isuzu and Beneli सरुमाव जायो । बे जाथाइखौ मिथिनो मोन्नानै अर खोमोरग्रा बिफाननि गं 8 गारिया जाथाइ जानाय थावनिसिम सौहैयो । अर खामनायनि जाहोनखौ मोब्लिब नांनानै जादों होन्नानै सन्देह खालामनाय जादों । बेनि अनगायैबो न’ सिङाव थानाय गंसे गेसनि टेंकिआ अर खामनायनिनि जाहोनाव बेरफ्रुयो ।
अर खोमोरग्रा बिफाना नाजानानै जाथाइ जानायनि माखासे सम अनाव अरखौ खोमोरनो हायो । अर खामनायनि जाहोनाव गोबां गारिफोरा खहा जायो । जायनि जाहोनाव गोबां लाक रांनि खहा जानो गोनां जादों होन्नानै मिथिनो मोन्दों । बेराफारसेथिङै, स’रुमनि उनाव जमा खालामनानै दोन्नाय गोबां गारिखौ खहा जानायनिफ्राय रैखा खालामनो हायो । खम समनि गेजेराव अर खामनायखौ होबथानायनि थांखिखौ लानायनि थाखायनो उन्थिंजाय जमा दोन्थुमनाय गारिखौ रैखा खालामनो हायो ।
