अरुणाचल प्रदेशनि सासे सुबुंखौ जिनाहारि खालामनाय दायाव पुलिसआ हमबाय।

0
218
Arunchali girl raped

गुवाहाटी, 3 जुन 2022: गुवाहाटीनि हेंगेराबारी ओनसोलआव बुधबारखालि सासे आइजोखौ जिनाहारि खालामनाय अरुणाचल प्रदेशनि 27 बोसोर बैसोनि सासे सुबुंखौ पुलिसआ हमबाय। खौरांनि गेजेरजों मिथिनो मोननाय बादिब्ला, हमजानाय सुबुंखौ TENZIN DARGEY KEE होननानै सिनायनो हादों। बियो आइजोनि भारा थानाय न’आव हाबनानै आइजोखौ नैथि खेब जिनाहारि खालामदोंमोन।

बे जाथाइया डाउनटाउननि साखाथियाव मैया 11 रिंगायाव जादोंमोन। जिनाहारि खालामजानाय आइजोआबो गुबैयै अरुणाचल प्रदेशनि थागिबि आरो बियो दासान्दि गुवाहाटीआव हारसिङै भारा न’आव थायोमोन।

जाथाइखौ मिथिनो मोननानै पुलिसआ नायबिजिरनाय हाबाफारिखौ जागायजेनो आरो दायनिगिरिखौ 6 माइलनिफ्राय़ बुधबारखालि हमनो मोनो। आइपिसिनि गेजेरजों केसखौ थिसननाय जाबाय। दा आइजोखौ देहा फाहामसालिआव दैथायहरनो हाबाय होनना मिथिनो मोन्दों।

LEAVE A REPLY

Please enter your comment!
Please enter your name here