नगावनि SI जुनमनि राभानि जानो गोनां हौवा गोदानखौ पुलिसआ हमबाय

नगाव, 6 मे: नगाव सदरनि साब-इन्सपेक्टर जुनमनि राभाखौ थगायनाय दायाव बिनि जानो गोनां हौवा गोदानखौ नगाव पुलिसआ हमबाय। हमजानाय दायनिगिरखौ RANA POGAG होनना मिथिनो मोनो। जुनमनिआ अजद होनायनि उनाव पुलिसआ रानाखौ हमदों। बे दायनिगिरआ माजुलिनि थागिबि आरो आइजो साब-इन्सपेक्टर जुनमनि राभाजों जुलि जानो गोनांमोन आरो गावखौनो बियो ONGC(OIL AND NATURAL GAS COMMISSION) आव पाब्लिक रिलेसननि सासे अफिसार होनना सिनायथि होनानै लादोंमोन। मिथिनो मोननाय बादिब्ला, बिसोर सानैजों अक्ट’बर दानावनो आस्थाम सोनानै जुलिनि रादाय खादोंमोन। नभेम्बर दानाव बिसोर सानैजों जुलि जानो गोनांमोन। नाथाय जुनमनी राभायाव दा बिखौ सासे गेदेर थगायसुला होननानै मिथिनो मोन्दों। पुलिसआ बुंथिना होनाय बादिब्ला, बे दायनिगिरि सिगांआवबो गोबां सुबुंफोरखौ थगायना बिसोरनिफ्राय रां लुथिनानै लादों। बे दायनिगिरिनिफ्राय गांसे नंखाय ONGC IDENTITY CARD, गंनै लेपटप, गं 13 सिल, मोन 9 पासबुक आरो चेक बुक, गंनै मबाइल फन, गंसे पेन ड्राइभजों लोगोसे गंनै वाकि टकिस बोखांनो हायो।