IAS पुजा सिंघलनि न’आव ED आ संदान्नानै 25 कौटि रां बोखांदों

झारखान्ड, 6 मे 2022: झारखान्ड राज्योनि IAS पुजा सिंघलनि नखराव दिनै ED आ संदान्नायनि गेजेरजों गोबां कौटि रांखौ बोखांनो हादों। झारखान्ड केडार 2000 बेटसनि IAS पुजा सिंघलनि नखराव दिनै इ डिआ हरखाब संदान्नाय जायो। सुलुंनि बादिब्ला, इ डिआ दिनै फुंनि समाव हादरनि गुबुन-गुबुन गासै मोन 20 जायगाफोराव संदान्नो। इ डिआ मिथिहोनाय बादिब्ला, हादरनि गोदान दिल्ली, मुम्बाइ, जयपुर, फरीदाबाद, गुरुग्राम, मुजफ्फरपुर, रान्ची आरो गुबुन माखासे जायगाफोरावबो रां जाख्ल’नायनि अजदखौ मोन्नानै हरखाब संदान्नाय जायो। जोबोद रायखांनो गोनांदि, IAS पुजा सिंघलनि न’आव संदान्नानै इ डिआ गासै 25 कौटि रांखौ बोखांनो हानायजों लोगोसे माखासे आयेन बेरेखा फोरमान बिलाइफोरखौबो मोन्नो हाबावदों। इ डिआ IAS पुजा सिंघलनि न’आव बोखांनो हानाय गोबां कौटि रांखौ आयेननि दखलाव लानानै दासान्दि आयेन बेरेखा रां दोन्थुमनायनि सायाव सोंनाय-फिन्नायखौ सोलिहोबाय थादों होन्नानै सुलुंनिफ्राय मिथिनो मोन्दों।