बर’ समाजाव बर’ बिजोंजों सोलोंथाय लानायनि इयुना मा?

1
130
Bodo Medium Education Future

क’क्राझार 2 आगष्ट 2022: बर’ माहारिनि गेजेराव बर बिजोंजों सोलोंथाय लानाय गोबां सुबुंफोर दं। नाथाय बर’ बिजोंजों सोलोंथाय लानाय फरायसाफोरा बेसेबां जौगाखांखो? गोथौयै नोजोर होयोब्ला नुनो मोनो बर’ बिजोंजों सोलोंथाय लानाया बांद्राय जौगाखाङाखै। थांनाय 7 जुन 2022 माइथायाव मेट्रिक आनजादनि फिथायखौ फोसावनाय जादोंमोन। नाथाय बर’ बिजोंजों सोलोंथाय लानाय मेट्रिक आनजाद फिथाया बाखोनाय जाथाव नङा।

इउ एन एकाडेमिआव बर’ बिजोंजों सोलोंथाय लानाया फरायसाफोराल’ मोजां जौखौनदो लानानै मेट्रिक आनजादआव उथ्रिसारनो हादों।नाथाय सरकारि स्कुलाव बर’ बिजोंजों सोलोंथाय लानाया मोजां जौखोनदो लानानै उथ्रिसारनो हायाखै।

बर’ समाजनि मेलेम जिबिफोरा बर’ बिजोंजों सोलोंथाय लानानै मोजां जौखोनदो मोननो हायैखौ लानानै माबायदि नोजोर होगोन। जुदि बर’ बिजों सोलोंथाय लानानै मोजां जौखोनदो मोननो हायाब्ला बर’ समाजाआ माबायदि जौगाखांगोन।

7 जुनआव मेट्रिक आनजाद फोसावनायाव बर’ बिजोंजों सोलोंथाय लानाय फरायसाफोरा आसामनि टप 10 मासिआव जायगा आवग्रिनो हायाखै।बेयो जोंनि समाजनि साग्रांथि गोयैनि मोनसे बिदिन्थि। BTR नि दरब्रै जिल्लाआव बर’ बिजोंजों मोजां जौखोनदो लानानै पास जानाय फरायसाफोरखौनो टप 10 सायख’नानै फोरमान बिलाइ होनाय जादों।नाथाय बर’ बिजोंजों मोजां जौखोनदो लानानै पास जानायफोराबो आसि बिजौआवल’ सानजानाय।

गुबुन फारसेथिंजाय BTR सरकारा बर’ माहारिखौ जौगाखां होनो सुपार 50 नि बिथांखि लादों।बेनि थाखाय ENTRANCE आ फैगौ 5 आगष्टआव जागोन।बेनि गेजेरजों बर माहारिआ I.A.S,I.P.S. आरो I.F.S. मोननो हागोन।

बेनि गेजेरावनो आसाम सरकारा बर’ बिजोंखौ फोजोबस्रांनो थांखि लादों।बेफोर थांखिफोरा जादों…

  1. सरकारि नङै फरायसालिफोरखौ सरकारि खालामनाय नंला।
  2. थाखो 3 निफ्राय थाखो 12 सिम सानखान्थि आरो बिगियान आयदाखौ इंराजी बिजोंनि खालामनाय।
  3. सोलिफु सोलोंथाइ फराफारिनि समाज बिगियानखौ बोखारनायजों लोगोसे रांखान्थि बिगियान फरा आरो राजखान्थि बिगियान फराखौबो गैया खालामनानै जारिमिन आरो भुमखौरां आयदाल खालामनो नागिरनाय।
  4. बर’ आरो असमीया Both Medium थानाय सरखारि गोजौ फरायसालियाव इंराजी बिजों सोसननाय।
  5. गंफ्रोम जिल्लानिफ्राय गं 5 /10 थाखानाय सरकारनि गोजौ फरायसालिफोरखौ CBSC आदर्श इंराजी बिजों फरायसालि खालामनाय
  6. एम.एल.ए बियाबआव गंफायै थाखानाय सरखारि गौजौ फरायसालिखौ CBSC आदर्श इंराजी बिजों फरायसालि खालामनाय।

आसाम सरकारनि बेबायदि थांखिफोरखौ लानानै एबसु, आसु, बर’ थुनलाइ आफाद आरो आसाम साहित्य सभाआ जुथायै जथुम्मा खुंङो। बर’ आरो असमीया बिजोंनि खैफोद गोनां आसाम सरकारनि थांखि लानायखौ बोखांनानै लाफिनांगौनि थाखाय आसामनि गिबि मन्थ्रि ड० हिमन्त बिश्व शर्मानिसिम जुथायै दाबि बिलाइ दैथायहरनो थांखि लायो।

1 COMMENT

LEAVE A REPLY

Please enter your comment!
Please enter your name here