गुवाहाटी, 27 जुन, 2022: थांनाय 2 बोसोर दोन्थनायनि उनाव भारतनिफ्राय बांलादेससिम थांनाय दावबायारि रोगाग्रा ट्रेनखौ दोन्थनायनि उनाव फिन हान्था मेलानि थाखाय थांनाय 2 दाननिफ्राय बेखेवनानै होफिन्दोंमोन। गोलाव सम महामारि बुहुमनां बुथारग्लुंनाय कभिदनि थाखाय ट्रेननि हान्था मेलाखौ दोन्थनाय जादोंमोन। नाथाइ बन्द खालामनानै दोन्थबावनाय जाबाय। भारतनि रेलवे बिफाना गोदान जलपाइगुरिनिफ्राय डाका थांनाय 13132 आरो डाकानिफ्राय गोदान जलपाइगुरि थांनाय 13131 नम्बरनि Mitali Express ट्रेनखौ बन्द खालामथनायनि थांखिखौ लायो।
मिथिनो मोन्नाय बायदिब्ला फैगौ 6 जुलाइनिफ्राय 14 जुलाइसिम दोन्थनाय जागोन। बांलादेसआव इद फोर्बोखौ फालिनायनि थाखाय बे थांखिखौ खुंथाइ बिफाना लायो। बांलादेसनि रेलवे बिफाना भारतनि रेलवे बिफानसिम ट्रेनखौ बन्द खालामनो थाखाय खावलायनायनि उनाव बे थांखिखौ लानाय जायो। सा-सान्जा भारतनि रेलवे खुंथाइया मिथिहोदोंदि इद फोरबो फालिनाया जोबनायनि उनावनो ट्रेनखौ हगारनानै होफिनगोन। मिथिनो मोन्दोंदि सोलिफु दाननि 1 जुनआव गोदान जलपाइगुरिनफ्राय बांलादेसनि डाकासिम थांनाय The Mitali Express ट्रेनखौ भारत आरो बांलादेसनि रेलवे मन्त्रिआ नुजाथिनानै बेखेवनानै होफिन्दोंमोन। थांनाय गोलाव बोसोर बन्द थानायनि उनाव बेखेवनानै होफिन्दोंमोन। नाथाइ बांलादेसआव इद फोरबो फालिनायनि थाखाय माखासे सान बन्द खालामथनानै होफिननाय जाबाय।
