मनिपुर, 2 जुन, 2022: सा-सान्जा भारतनि मनिपुर रायजोनि गिबि मन्त्रि N Biren Singh आ रायजोनि गासै हाथियार हमनाय आफादफोरखौ फैफिननानै सरकारजों सावरायनो थाखाय खावलायदों। ओनसोला सान्ति लाबोनायनि थाखाय सावरायनो खावलायदों। जुदि गिदिंनानै फैफिनोब्ला मोनफ्रोम्बो आफादजों राजखान्थियारि बिथिङै सावरायनानै गासैनिबो जेंनाखौ सुस्रांनायनि थाखाय खामानि मावनो हायो होननानै बुङो गिबि मन्त्रिआ। दिनै मनिपुरनि गिबि मन्त्रि N Biren Singh आ गासैबो हाथियार हमग्रा आफादफोरखौ सरकारजों सावरायनानै रायजो आरो ओनसोलाव गोजोन आरो खौसेथि आबहावाखौ लाबोनो थाखाय गिदिंनानै फैफिननो खावलायो।

रायजो आरो ओनसोलखौ जौगाखां होनो थाखाय बयबो खौसेयै सावरायलायनानै हाबा मावोब्लासो हागोन आरो दावगानायनि मोनसेल लामा होननानै खावलायनायजों लोब्बा लाखिनानै फोरमाय बावयो गिबि मन्त्रि बिथाङा। आरो बिनि अनगायैबो सा 14 UTLA हान्जाआ गावसोरखौ सरकारनि खाथियाव गथाइ फैनायानो सरकारनि हाथियार हमग्रा आफादफोरखौ गाहाइ बिथायाव लाबो फिननायनि मोनसे फिथाइ होननानैबो गिबि मन्त्रि बिथाङा फोरमायो।