तामुलपुर जिल्लानि हाजार हाजार रायजोफोरा आबाद फोथाराव दैनि जगायथाइ होनांगौ दाबिजों गोख्रों सोमावसारदों ।

0
137
Mass Public Protest in Tamulpur

तामुलपुर, 26 आगष्ट: तामुलपुर जिल्लानि हाजार हाजार रायजोफोरा गोख्रों सोमावसारदों आबादनि फोथाराव दैनि जगायथाइ होनांगौ दाबिजों । तामुलपुर जिल्लानि कालानदी मथंगा दैमानि सायाव बान्दो होनानै कुमारिकाता, बगाजुलि, कालिपुर, बायदि ओन्सोलनि आबादारिफोरनि दैनि जेंनाखौ अरायनि थाखाय समाधान खालामनांगौ दाबिजों कालानदी मथंगा आन्चलिक बान्दो कमिटिनि बानजायनायाव 5 घन्टा गोख्रों धर्ना होनायजों सोरखारनि फारसे खावलायहरो । कालानदी दैमानिफ्राय आबाद फोथाराव लाबोनाय दैया अखा हाबानो भुटाननिफ्राय बांबोनानै बान्दोया बायलांबाय थायो जायनि थाखाय गोबां खस्थ’नि गेजेरजों बगाजुलि कुमारिकाता ओन्सोलनि रायजो राजाफोरा भुगिबोनांदों । दायो आबादनि फोथाराव दैनि आंखाल, माइ आबादफोरा रानलांनो हमबाय जायनि थाखाय हाजार हाजार रायजोफोरा दुखुनि खाफाल हमनांदों । बेनिखायनो आबादारिफोरनि जेंनाफोरखौ फोजोबनो थाखाय आसामनि गिबि मन्थ्रि ड• हिमन्त बिस्व सर्मा आरो बिटिआरनि गाहाइ मावफुंगिरि प्रमद बर’खौ मोनसे धर्ना होनायनि गेजेरजों खावलायदों । मख’नो नांगोनदि भारत उदांस्रिनि 75 बोसोरनि उनावबो बे ओन्सोलनि आबादारिफोरा दैनि जेंनाजों बोसोरफ्रोमबो भुगिबोनांदों, थरथिंसे दैनि थाखाय राजा लामायाव ओंखारबोनानै होस्रिखावनो गोनां जादों । हाजार हाजार आइजोफोरजों लोगोसेनो आबादारिफोरा जथाइयै जोंनो दैनि जगायथाइ नांगौ, जोंनो दैनि बान्दो नांगौ, जोंनो जुगामि बान्दो नांगौ, जय जवान जय किसान बायदि स्लगानजों गोमसार होदों तामुलपुर जिल्लायाव ।

Public protest in tamulpur for scarcity of water

LEAVE A REPLY

Please enter your comment!
Please enter your name here