धुब्रि, 26 आगष्ट, 2022: दासान्दि ANTI CORRUPTION हानजायाव गोबां सरकारि मावख’फोराव थांनानै सरकारि साख्रि मावग्रा आरो गुबुन-गुबुन बिबानगिरिफोरखौ घुष लानाय समावनो हमगासिनो दं । दिनैबो आसामनि धुब्रिआव हमदों सासे सरकारि साख्रि मावग्रा सुबुं । सर्भ सिक्षी अभियान मिसननि DISTRICT PROGRAMME OFFICER आजहारुल इसलामखौ दिनै ANTI CORRUPTION हानजाया घुष आजावनाय समावनो हमदों । रिपर्टनि गेजेरजों मिथिनो मोननाय बादिब्ला, दानबान्था होनायनि मुंआव बियो रां दाबिदोंमोन । जेराव रां दाबिजानाय सुबुंआ बेनि हेंथायै अजद हैयो । बे समावनो बेनि सायाव मोनसे राहा लानानै बिखौ रां आजावनाय समावनो हमो । दायो बिनि बेरेखायै आयेननि मदद लानानै केसखौ थिसननाय जाबाय । थांनाय माखासे दाननिफ्रायनो राज्यो सरकारनि गोबां घुष लानाय बिबानगिरिफोरखौ हमनो मोन्दों । बेनि सिगांआवबो मैया धेमाजि जिल्लायाव इ-रिक्सा सालायग्रानि गोदान लाइसेन्स बानायनायनि मुंआव घुष आजावनाय DTO अफिसारखौबो हमदों ।
