गुवाहाटी,1 सेप्तेमबर 2022: मेघालयनि गिबि मन्थ्रि कनराड के सांगमाआ “Rural Backyard Piggery Scheme” खौ लन्स खालामदों,जायनि थांखिआ आबादारिफोरनि रां-खान्थिखौ जौगाखां होनाय।
गिबि मन्थ्रि सांगमाआ बुंदों सरकारा गुबुन गुबुन यजनाफोरनि गेजेरजों आबादारिफोरनि रां खान्थिखौ जौगाखां होनो खाबुखौ जगायनानै होदों।बे यजनाखौ रि भइ जिल्लानि बिरनीहाटआव National Livestock Mission नि गेजेरजों बेखेवदों।
मेघालयआ गुबुन गुबुन रायजोनिफ्राय 18,000 मीट्रिक टन अमा बेदरखौ लाबोयो।बे समाव अमा बेदरखौ गुबुन रायजोनिफ्राय लाबोनाया गोबां खम जादों।अमा फिसिनाय यजनानि गेजेरजों बे जेंनाखौ सुस्रांनो हागोन।बे यजाननि गेजेरजों अमाफोरजों लोगोसे दावफोरखौ फिसिनो हागोन।
यजनानि गिबि खोलोबनि गेजेरजों सरकारा 15.18 कौटि रांखौ थि खालामदों।जायनि गेजेरजों 6,000 नखरफोरा रां खान्थिनि अन्सुंथायखौ मोननो हागोन।नैथि खोलोबआव 25 कौटि रांखौ थि खालामनानै होनाय जागोन।
अमा बेदरखौ जाहाते गुबुन रायजोनिफ्राय बिहर नाङा ,बेनि थाखाय सरकारा अमा फिसिनायनि बयनिख्रुइबो देरसिन हाबा फारिनि गेजेराव मोनसे ‘मेघालय पिगरी मिशन’ खौ बेखेवनानै होदों।बे मिसननि गेजेरजों अमानि जोलैखौ बांहोनो 0 इन्टारेष्टआव रां दाहारखौ होनाय जागोन।दासिमाव250 था अमा फिसिग्रा हानजाआ 43.67 कौटि रांखौ रां दाहार लाखांबाय।
बे यजनाखौ थांनाय 10 आगस्टआव सानजा गार’ हिल्स जिल्लानि समान्डा ब्लकआव जागायजेनदोंमोन। बे यजनानि गेजेरजों आबादारिफोरनो माथाम अ
