मुम्बाइ, 1 सेप्तेम्बर 2022: भिजय देबरकन्डा आरो आनन्या पान्डेनि गोदान सावथुन LIGER आ माखासे सान सिगांसो रिलिज जादोंमोन । नाथाय बे सावथुना बक्स अफिसनि प्लफ सावथुनफोरनि फारिलाइआवसो थानांदों । बे सावथुना नांगौ बादियै आरजिनो हायाखै । सावथुन दिहुनगिरि आरो डिस्ट्रिबिउटर्सफोरा बेनि थाखाय गोबां खहा जादों । माइक टायसननि केमिअआ 25 कौटिआव थि जादोंमोन । मख’नो गोनांदि, LIGERआ सिगांनिफ्रायनो लाइमलाइटआव थासेआवबो बक्स अफिसआव हिट जानो हायाखै । 25 आगष्टखालि रिलिज जानाय सावथुना प्लफ जाबाय । सावथुनाव फाव खालामनाय फावगिरिफोरजों लोगोसे सावथुन दिहुनगिरिफोराबो गोसोआव गोजोननायखौ मोननो हायाखै । लाइगरनि फ्लफ जानाया सावथुन मुलुगआव गिखांनाय लाबोदों । खौरांनि गेजेरजों मिथिनो मोननाय बादिब्ला, डिस्ट्रिबिउटर्सफोरा 60-65 जौखोन्दो खहा जाबाय । सावथुनखौ हिट खालामनो थाखाय सावथुन दिहुनगिरिफोरा गोब्राब नाजादोंमोन । बेजों लोगोसेनो सावथुनखौ हिट खालामनो थाखाय ग्रेट बक्सिं चेम्पियन माइक टायसननि केमिअबो लादोंमोन । अब्लाबो सावथुनखौ हिट खालामनो हायाखै ।
