गुवाहाटी, 3 जुन, 2022: जुब-जुब अखा हानायनि जाहोनाव जराबातनि NH 37 राजालामायाव गोबां दै जमा जादों। जायनि जाहोनाव ओनसोलनि थागिबिफोरा जेंनाजों मोगा- मोगि जानो गोनां जादों आरो गिखांनाय मोन्दों। राजालामायाव हान्थुसे दै लोमनायनि जाहोनाव थांलाय फैलाय हान्था मेला खालामग्राफोरा थाबथानानै थानो गोनां जादों।
जराबातनि गुबुन- गुबुन ओनसोलफोराव अखा हानायनि जाहोनाव राजालामाखौ लाफानानै गोबां दै जमा जानायखौ नुनो मोन्दों। बेनि थाखायनो ओनसोलनि थागिबिफोरा जेंनाजों बुगिनो गोनां जादों। मख’नो गोनांदि बोथोर बिगियाननि फोरमायनाय बायदिब्ला आसाम आरो मेघालयाआव दासान्दि गोबां अखा हानायनि इसारा दङ। बेनि अनगायैबो गोबां अखा खोरोमनाय आरो अखा मोप्लामनायखौ सा-सान्जा भारतनि रायजोफोर फारियै आसाम, मेघालया, नागालेन्ड, मनिपुर, मिज’राम आरो त्रिपुराआव नुनो मोनगोन आरो बेयो सान 2 थागोन होननानै बोथोर बिगियाना मिथिहोदों।
