सौदी आरबनि प्रिन्सआ मुलुगनि बेसेन गोसासिन न’आव थादों।

0
136
Saudi Prince Mohammed bin Salman - The Chateau Louis XIV

गोदान दिल्ली,29 जुलाइ 2022: सौदि आरबनि प्रिन्स महम्मद बिन सलमानआ फ्रान्सआव दावबाय हैदों।बियो फ्रान्सनि हादतगिरि इमेनुएल मेक्रानखौ लोगो हमगोन।सौदि प्रिन्स महम्मद बिन सलमानआ जोंगा मागाजों बुंफबनाय जिउ खुङो आरो बियो फ्रान्साव बयनिख्रुइबो बेसेन गोसासिन न’आव थादों। बे न’खौ सौदि प्रिन्सआ 2015 माइथायाव बानायदोंमोन।मख’नो गोनांदि मुलुगनि बयनिख्रइबो बेसेन गोसासिन न’ The Chateau Louis XIV आ पेरिस सहरनि बायजोयारि ओनसोलाव दं।बेखौ Versailles Palace बायदि बानायदों।
मुलुगनि बेसेन गोसासिन बुंजानाय सौदि प्रिन्सनि बे न’खौ 7 हाजार स्क्वार मिटार हा सा बाहागोआव बानायनाय जादों।बे न’खौ 19 जौथायनि गंसे महलखौ सिफायनायनि उनाव 2009 माइथायाव बानायनाय जादोंमोन।

सौदि प्रिन्स महम्मद बिन सलमानआ मुलुगआव बयनिख्रुइबो बेसेन गोसासिन न’नि बिगोमा ,बे न’खौ रुंसारि खौरांगिरि जमाल खशगीनि फंबाय इमाद खशगिआ बानाय होदोंमोन।इमाद खशगीआ फ्रान्साव लाग्जारि प्रपार्टी डेबलमेन्टनि बिजनेस खालामो।

मख’नो गोनांदि थांनाय 2018 माइथायाव खौरांगिरि जमाल खशगीखौ बुथारनायनि दायखौ सौदि प्रिन्स महम्मद बिन सलमाननि सायाव जाबसिननाय जादोंमोन।

LEAVE A REPLY

Please enter your comment!
Please enter your name here