क’क्राझार, 28 जुलाइ, 2022: थांनाय 22 जुलाइनिफ्राय 27 जुलाइसिम ASSAM YOUTH OLYMPIC- 2022 बादायलाइनाया गाहामैनो खुंफुंलांजाबाय। बे बादायलायनायाव क’क्राझार जिल्लानि WUSHU गेलेगिरिफोरा गावबा गावनि नाजानायनि गेजेरजों मेडेल देरहासारनो हानानै ओनसोलनि गेजेराव गोग्गानाय लाबोनो हादों। बे गेलेनाय बादायलायनायाव WUSHU गेलेगिरि हान्जानिफ्राय गासै सा 14 बादायारिफोरा जाफुंसारनो हादों। बेनिनो सा 4 फारियै सिसिला मुसाहारि, जनिला ब्रह्म, दैजि राभा, दयामुथि बरमनआ सनानि मेडेलखौ मोन्नो हादों। आरो सा 6 फारियै जनिला ब्रह्म, हेनाजि ब्रह्म, बुब्लि दैमारि, दैजि राभा , मिथिसार बसुमतारी, सोरांसार ब्रह्मआ रुपानि मेडेल मोन्नो हादों। आरो सा 4 फारियै आयन दत्त, दिपिखा बरमन, दैमालु ब्रह्म, निरन्जन ब्रह्मआ तामानि मेडेलखौ देरहासारनो हायो।

बेनि अनगायैबो दैमालु ब्रह्मआ NAN TAULU EVENTS आव मोनथाम सनानि मेदेल देरहासात जानो हानाया थारैनो जोबोर बाख्नायथाव। मखनो गोनांदि गेलेगिरि हान्जानि फोरोंगिरि देतसोरां ब्रह्म आरो दिथागिरि मिजिं कुमार ब्रह्म आरो तेकनिकेल अपिसियेल तुलाराम बसुमतारीनि दैदेननायाव गासै सा 22 WUSHU गेलेगिरिफोरा बाहागो लादोंमोन। सा 22 गेलेगिरिफोरनि गेजेराव 14 सा गेलेगिरिआ मेडेलखौ देरहासारनो हायो। आरो क’क्राझार ओनसोलनि थाखाय गोग्गानाय लाबोनो हायो।