सोनाब बेंगल, 28 जुलाइ, 2022: सोनाब बेंगल रायजोनि SSC JOB SCAM नि सायाव CBI, ENFORCEMENT DIRECTORATE बिफाननि सिग्रोमनाया सोलिगासिनो दङ। बे केसजों लोब्बा थानाय सोनाब बेंगल आयेन आफादनि सोद्रोमा PARTHA CHATTERJEE आ गिबियै हमजायो। फिन खेबसेबाव थांनाय बुधबारखालि ED आ सिग्रोमनायनि गेजेरजों 28.90 कौटि रांखौ बोखांनो हादों। लोगोसे 5 किल’ग्रामनिबो बांसिन सना आरो गोबां फोरमान बिलाइफोरखौबो हमनो मोन्दों। बे गोबां बिबांनि रां आरो सनाखौ ARPITA MUKHERJEE नि नैथि न’निफ्राय हमनो मोन्दों।

आयेन बेरेखा हाबा मावनायनि थाखाय TRINAMOOL CONGRESS (TMC) राजखान्थि दोलोनि SPOKEPERSON आ PARTHA CHATTERJEE खौ दोलोनिफ्राय बोखारनांगौ होन्नानै गोख्रोङै दाबि दिखांदों। CBI आरो ENFORCEMENT DIRECTORATE आ सिग्रोमबाय थानाय समावनो दाबि खालामनायखौ नुनो मोन्दों। मखनाया गोनांदि सिगांनि सिग्रोमनायावबो 21.90 कौटि 56 लाक रां आरो 76 लाक रांनि सनाखौ MUKHERJEE नि न’निफ्राय हमनो हादोंमोन। बोंखांनो मोन्नाय रांखौ साख्रिनि थिस’न्थाइनि मुङाव आयेन बेरेखायै जमायनाय होन्ना सन्देह’ खालामनाय जादों।