गोदान दिल्ली, 8 सेप्तेम्बर 2022: मिरुनि नखर मन्थ्रि अमित शाहखौ रैखाथि होनायाव जेंना सोमजिदों।मुम्बाइआव दावबाय हैनाय समाव 32 बोसोरनि सासे सिनायनो मोनयै सुबङा नखर मन्थ्रि अमित शाहनि खाथिआव थाबाय थादों।बियो गावखौनो अन्ध्रप्रदेसनि एमपिनि पिए होननानै फोरमायदों।बिनाव नखर बिफाननि ID कार्डबो दंमोन,जायखौ गाननानै बियो नखर मन्थ्रिनि गारिजों दावबायबाय थादों।
सुलुंनि बायदिब्ला नखर बिफाननि ID कार्ड गाननाय सुबङा गावनि सिनायथिखौ दोनखोमादों।महाराष्ट्रनि गिबि मन्थ्रि एकनाथ सिन्दे आरो लेङाइ गिबि मन्थ्रि देबेन्द्र फाडनबिसनि न’नि बायजोआवबो बे सिनायनो मोनयै सुबुंखौ ब्लेजार गाननानै बेरायबाय थानाय नुदों।बे सुबुंखौ सन्देह खालामनायनि उनाव नखर बिफाननि सासे बिबानगिरिआ मुम्बाइ पुलिसनो खौरां हरो।
मुम्बाइ पुलिसआ सोंथि सोंनायनि उनाव सिनाय मोनयै सुबुंखौ हमो।सिनायनो मोनयै सुबुंनि मुंखौ हेमन्त पावार होननानै मिथिदों आरो बियो महाराष्ट्रनि धुले थागिबि। दायनिगिरि हेमन्त पावारखौ कर्टआव दिन्थिनाय जाबाय।जेराव कर्टआ 5 साननि थाखाय बिखौ पुलिसनि जिम्माआव दैथाय हरदों।