गुवाहाटी, 22 जुन, 2022: थांनाय बावैसो सान सिगां आसामाव थाद’नाय गैयै जुब-जुब अखा हाबाय थानायनि जाहोनाव माखासे जिल्लाफोरा दैजों लोमसाव जोबदों । जायनि जाहोनाव थागिबि सुबुंफोरनि न’-बां, जिब-जुनार, आबाद आरो बायदि बायदि धोनफोरा सिलिंखार जानांदों । थारैनो जोबोद दुखुनांथाव बाथ्रादि, सुबुंफोरा गाव-गावनि न’-बांखौ गारनानै रैखाथि बादाफोराव थाहैनो गोनां जादों आरो बिसोरनि थानाय-जानायाव सानख’ हायै जेंना नुजाथिनायखौ नुनो मोन्दों ।
बेबादि समाव आसामनि दुखुखौ नुहरनानै बलिउडनि मुंदांखा मेथाइ रोजाबगिरि सनु निगमआ दैबानाजों लोमसावजानाय सुबुंफोरनो 5 लाख रां अनसुंथाइ हरनानै मदद खालामदों । आसामनि गिबि मन्थ्रि हिमन्त बिस्व सर्माआ टुइटारनि गेजेरजों बे बाथ्राखौ फोसावनानै होदों । लोगोसेनो आसामनि खैफोद समाव मदद रांखान्थियारि मदद हरनायनि थाखाय गोसोजों गोजोननाय बावहरदों गिबि मन्थ्रि हिमन्त बिस्व सर्माया ।
