गहपुराव दैजों गोजावबोनाय सासे सुबुंनि गोथै सह’खौ बोखांनो मोन्दों।

0
93
Dead Body found floating in Gohpur River

गुवाहाटी, 19 जुन, 2022: आसामनि बिस्वनाथ जिल्लानि सिङाव थानाय गहपुराव सासे सिनाय मोनै सुबुंनि गोथै सह’खौ बोखांनो मोन्दों। गोजाव बोनाय गोथै सह’खौ हौवा ना हिन्जाव बे समाव सिनायथि मोन्नाय जायाखै। गहपुरनि चत्रं दैमानि साजों गोजाव बोबाय थानाय समावनो बोखांनो मोन्दों गोथै सहखौ। बे जाथाइखौ मिथिनो मोननानै ओनसोलनि थागिरिफोरा पुलिस बिफाननो फोरमाय हरो। गहपुर मिउनिसिपालिटिनि बेन्दोङाव थानाय वार्ड 7 आरो वार्ड नाम्बर 1 जों फोनांजाबनाय थावनियाव गोथै सह’खौ बोखांनो मोन्दों।

नागारनो रोङै गोबां अखा हानायनि जाहोनाव चत्रां दैमाआ देरनानै बिस्व’नात जिल्लानि सिङाव थानाय गहपुर मिउनिसिपालटिआव दै लोमनाया गिख्रंथाव थासारि सोमजि होदों। दै बानानि जाहोनाव रायजोनि सिङाव गोबां सुबुंनि जिउ गोमानांनायखौबो नुनो मोन्नाय जादों। मिथिनो मोन्नाय बायदिब्ला थांनाय सनिबारसिम जिउ गोमानाय सुबुंनि अन्जिया सा 59 सिम सौहैबाय होन्नानै मिथिनो मोन्दों। बेनि अनगायैबो सा 3 उन्दैफोरखौ लाफानानै सा 8 सुबुंफोरा दिनैसिम्बो गोमानानै दङ। बे गोजावबोनाय गोथै सहखौबो दैबानानि जाहोनाव जानाय होन्नानै हमना लादों।

LEAVE A REPLY

Please enter your comment!
Please enter your name here