गोदान दिल्ली, 22 जुन 2022: मुलुगआ रहस्यजों बुंफबनाय । सम सम सुबुंफोरा मोनसेनि उनाव मोनसे रहस्यनिफ्राय फैसालि बोखारनायखौ नुनो मोनयो। जेराव सुबुंफोरा गोमोयो।
बेबायदिनो मोनसे रहस्यखौ कम्बडियानि मेकंग दैमानिफ्राय मोनथिनो मोननाय जादों।बे दैमाआव ना सारग्राआ मुलुगनि बयनिख्रुबो देरसिन नाखौ हमनो मोनदों।बे गिदिर नानि मुङा स्टिंग्रे आरो बेनि लिरथाया 300 किलग्राम।
मिडिया रिर्पटनि बायदिब्ला बे नाआ 13 फुट गोलाव।बे नाखौ स्टंग ट्रेंग जायगानिफ्राय हमनो मोनदों।ना हमग्राआ फोरमायनाय बायदिब्ला ना हमग्रा जेआ गिलिर जाब्ला गाव जेआव गोबां नाआ नांबाय होननानै साननानै लादोंमोन।नाथाय जेखौ दै सिंनिफ्राय गोजौआव बोखोयोब्ला गिदिर ना नांनायखौ नुनानै गोमोयो।नानि दाथाया गावनि सानदांनो हानायनिफ्रायबो देरसिनमोन।
बे नानि सोमोनदै बिगियानगिरि आरो रिसार्च खालामग्राफोरनो खौरांखौ हरनाय जायो।खौरां मोननायनि उनाव रिर्साचनि मोनसे टीमआ जाथायसालिआव सौहैयो आरो बे नाखौ नायबिजिरो।टीमआ नानि लावथायजों लोगोसे बेनि लिरथायखौबो सुयो।
बेनि सिगां 2005 माइथायाव थाइलेन्डआव बयनिख्रुइबो देरसिन नाखौ मोनदोंमोन आरो बेनि लिरथाय 293 किलग्राममोन।मखनो गोनांदि रिर्साच खालामग्रा हानजाआ मुलुगनि बयनिख्रुइबो देरसिन नाआव इलेक्ट्रनिक टेग लागायदों। टेग लागाय खांनायनि उनाव बे नाखौ दैआव हगार हरफिननाय जाबाय।जाहाते बेनि थांलाइ फैलाइ खालामनाय आरो आखु दिन्थिनायखौ मोनथिनो हायो।
