गिबि मन्थ्रि हिमन्त बिस्व सर्माया कामपुराव दैबाना लोमसावजानाय सुबुंफोरखौ खौरां लाहैदों

0
91
Assam CM Himanta Sharma

नगाव, 22 जुन, 2022: आसामनि गिबि मन्थ्रि हिमन्त बिस्व सर्माया दिनै नगाव जिल्लानि कामपुर नोगोरआव दैबानाजों लोमसावजानाय सुबुंफोरखौ खौरां लाहैदों । खौरांनि गेजेरजों मिथिनो मोननाय बादिब्ला, गिबि मन्थ्रि सर्माया गुवाहाटी रेलवे स्टेनसननिफ्राय ट्रेनजों हान्थिनानै कामपुरसिम दावबायदों । खौरां लाहैनायजों लोगोसेनो दै बानानि जेंनाजों बुगिनांनाय सुबुंफोरनि थाखाय लोंग्रा दैनि बटलजों लोगोसे बिस्कुट पेकेट राननानै हैयो ।

गासै 5,000 लोंग्रा दै बटल आरो 2 रोजा बिस्कुट पेकेट राननानै हैदों । रिपर्ट मोननाय बादिब्ला, आसामनि नगाव जिल्लानिफ्राय कामपुर नोगोरआनो दैबानाजों बयनिख्रुइबो गाज्रिसिन थासारियाव गोग्लैनो गोनां जादों । गोब्राब अखा हाबाय थानायनि जाहोनाव जेरावबो दै लोमसावनायजों लोगोसेनो कपिलि दैमानि दैयाबो उसिफावनायाव नगाव जिल्लाया लोमसावजोबदों ।

दैबाना लोमसावजानानै 50 निख्रुइ बांसिन गामिया सिलिंखार जालांबाय । गोबां ओनसोलफोरा दैजों साग्लोबजानो गोनां जादों । अदेबानि, आसामाव दैबानाजों आरोबाव सा 7 सुबुंआ जिउ गोमाबावबाय । दा गासै जिउ गोमानाय अनजिमाया 88 सिम सहैबाय । ASDMA नि बादिब्ला, गासै 55.42 लाख सुबुंफोरा दैबानानि गिख्रंथाव जेंनाजों बुगिनो गोनां जादों । बेजों लोगोसेनो गासै 1.08 लाख हेक्टार आबाद मावग्रा हाया सिलिंखार जाबाय ।

LEAVE A REPLY

Please enter your comment!
Please enter your name here