गोदान दिल्ली, 23 जुन, 2022: आथिखालाव RAM NATH KOVIND आ हादरगिरिनि मासिखौ सामलायगासिनो दं । हादतगिरि RAM NATH KOVIND नि हाबा मावनाय समा बे बोसोरनिनो 24 जुलाइखालि जोबहैगोन । बेनि थाखायनो गोदान हादतगिरिनि बिजाथि महरै BJP दैदेननाय NDA आ द्रौपदी मुर्मुखौ सायख’बाय । हादरनि गाहाय मन्थ्रि नरेन्द्र मदिजों लोगोसे सावरायलायनानै BJP नि PRESIDENT जेपि नड्डाआ बे थांखिखौ लादों ।
जेपि नड्डाआ बुंदोंदि, बे समाव गिबि खेब सासे ट्राइबेल आइजोखौ हादरगिरिनि बिजाथि महरै सायख’नाय जादों । बिजेपि फार्लियामेन्टआव हादरगिरिनि थाखाय गासै सा 20 बिजाथिफोरनि सायाव सावरायनाय जादोंमोन बेनि गेजेरावनो सानजा भारतनिफ्राय सासे ट्राइबेल आइजो एबा द्रौपदी मुर्मुखौ सायख’नाय जायो ।
द्रौपदी मुर्मुआ सासे आदिबासि आइजो । बियो सासे भारतारि राजखान्थिगिरि जाय झारखान्डनि गुथि राइजो बेंगिरिनि मासिखौ लानो हादोंमोन । द्रौपदी मुर्मुआ 18 मे 2015 माइथायनिफ्राय 12 जुलाइ 2021 माइथायसिम झारखान्डनि रायजो बेंगिरिनि मासिखौ सामलायदों । बेनि सिगाङाव बियो 2007 माइथायाव MLA महरै मोजां हाबा मावनायनि थाखाय नीलकान्ठ बान्थाबो मोननो हादोंमोन ।
हादरगिरि रामनाथ कविन्दनि हाबा मावनाय समा बे बोसोरनि 24 जुलाइखालि जोबनानै थांगोन । बेनि थाखायनो फैगौ 18 जुलाइखालि गोदान हादरगिरि थिसननो थाखाय बिसायखथि खुंनाय जागोन । बिसायखथिया जोबखांनायनि उनाव 25 जुलाइखालिनो गोदान हादरगिरिखौ थिसननाय जागोन ।
