गुवाहाटी, 2 आगष्ट, 2022: आसामनि माहारियारि पार्क काजिरङाआव गान्धा मैहर खालामग्रा सा 4 सुबुंखौ हमनो मोन्दों। बिस्वनाथ जिल्लाआव सा 4 सुरां सिखारिफोरखौ हमनो मोन्दों। हाग्रा बिफाननि Crime Range आरो पुलिस बिफाना जथायै सिग्रोमनायनि गेजेरजों थांनाय रबिबाराव हमनो हायो। मिथिनो मोन्नाय बायदिब्ला सुरां सिखारिफोरा आसामनि माहारियारि पार्क काजिरङा आरो टाइगार रिजार्भआव थसेल गं गोनां आसामनि बेसेन गोसा जुनार गान्धाखौ सिखार खालामनो थाखाय थांखि लादोंमोन।
सुलुंनिफ्राय मिथिनो मोननानै Crime Range आरो पुलिस बिफाना जथायै बिस्वनाथ जिल्लानि बेहालिआव सिग्रोमनानै सुरां सिकारिफोरखौ हमनो हायो।हमजानाय सुरां सिखारिफोरखौ फारियै अजित दास, पदुम हाजरिका, धनिदेब सइकिया आरो दिपांकर बर’ होन्नानै सिनायथिनाय जादों। बे बाथ्राखौ बिस्वनाथनि पुलिस बिफाना गावसिनि टुइटारनि गेजेरजों फोरमायनानै होदों।
