गबिन्द सागर लैथोआव गब’नानै सा 7 लाइमोनफोरनि जिउ खहा ।

0
158
Govind Sagar Drown 7 Dead

हिमाचल प्रदेश, 2 आगष्ट, 2022: हिमाचल प्रदेशआव सोमजिदों मोनसे दुखुनांथाव जाथाय। हिमाचल प्रदेशनि ऊना मुंनि ओनसोलआव पानजाबनि एसएएस नगरनि सा 7 लाइमोनफोरा समबारखालि गबिन्द सागर लैथोआव गब’नानै जिउ खहा जादों । बै सा 7 लाइमोनफोरखौ 15 बोसोरनिफ्राय 18 बोसोरनिमोन होनना मिथिनो मोन्दों । आरोबाव बिसोरनि गेजेराव सासे 30 बोसोर बैसोनि सुबुंबो दंफायोमोन । बे जाथाइया साननि 3.40 रिंगायाव जादों । सासे सुबुंआ दैयाव गब’नायखौ नुनानै गुबुन सासेया रैखा खालामनो नाजादोंमोन । नाथाय रैखा खालामनो हायाखै । जायनि उनाव सासेनिफ्राय सासे बे लैथोआव गलांनानै गाव-गावनि जिउखौ खोमानानै लानाङो । बेनिफ्राय सा 4 लाइमोनफोरा लैथोनिफ्राय गोजौआव गाखोनानै फैनो हादों । नाथाय दुखुनांथाव बाथ्रादि, सा 7 लाइमोनफोरा लैथोआवनो गबनानै जिउ गोमानो गोनां जायो ।

खौरांनि गेजेरजों मिथिनो मोननाय बादिब्ला, सा 11 लाइमोनफोरनि मोनसे हानजाया गबिन्द सागल लैथोआव बेरायनो थाखाय थांदोंमोन । नाथाय दुखुनांथाव बाथ्रादि, बेरायनो थांनाय समावनो सा 7 लाइमोनफोरा गावसोरनि बेसेनगोसा जिउखौ खोमानानै लानांङो । अदेबानि, दा बिसोरनि गोथै सहखौ बोखांनो हाबाय आरो थैनाय सुबुंफोरनि नखरनोबो खौरांखौ हरनाय जाबाय ।

LEAVE A REPLY

Please enter your comment!
Please enter your name here