सेरफांगुरि भि चि डि चि नि सिङाव थानाय देबरगाव गामिनि सोद्रोमा राजेन्द्र रायनि सायाव रां जाख्ल’नायनि थाखाय गामिनि रायजो-राजाफोरा गोख्रों अजद दैखांदों। रायजो-राजाफोरा फोरमायनाय बादिब्ला थांनाय समनिफ्रायनो सरकारनि बिथांखिफोरखौ जाय बिजाथिफोरा मोन्नांगौ बेफोरखौ मोनथावै बिजाथिफोरनो होबोगासिनो दं लोगोसे PMAY-G न’नि मुङाव से रोजा रां आरो सि सुग्रा मेसिननि मुङावबो नै रोजा रां लानायनि गोख्रों अजद खालामदों आरोबाव अरुनदय बिथांखिखौ सरकारनि बादिब्ला नोरजिया, रान्दि हिन्जाव, बैसो जानाय हाबा जायै आइजो, न’खराव खामानि मावनो हायै सुबुंफोरासो गिबियाव मोनग्रोनांगौ नाथाय बे गामियाव गोबां नोरजिया, रान्दि आइजोफोर दं जाय दासिमबो सरकारनि अरुनदय बिथांखिखौ मोनाखै।

भि चि डि चि नि सोद्रोमा राजेन्द्र रायनि बेफोरबायदि सायख’नायखौ रायजो-राजाफोरा गोजोन्नाय मोनै फोरमायनायजों लोगोसे बेफोरबायदि सोद्रोमाफोरखौ सरकारा नोजोर लाखिनांगौ लोगोसे बेफोर सायख’नायखौ सरकारा थाबैनो सुस्रांनानै होनो राहा लामा लानांगौ होन्नानै रायजो-राजाफोरा सरकारखौ खावलायहरदों।