आसाम, 26 जुलाइ, 2022: थांनाय माखासे सान सिगांनिफ्रायनो आसामाव Japanese Encephalitis आ गाज्रि गोहोम खोख्लैनायखौ नुनो मोन्दों। सोलिफु जुलाइ दानसिमनि गेजेराव गासै सा 266 सुबुङा Japanese Encephalitis थाम्पैजों गाग्लोबजादों। बेनि गेजेराव सा 41 सुबुङा दिनैसिम जिउ खोमानो गोनां जाबाय। बे बिसगोनां थाम्पैजों गाग्लोबजानानै रायजोआव गोदानै सा 2 सुबुङा जिउ खोमानांबावबाय।

बे समाव रायजो राजाफोरा साग्रांथि जानाया गोनांथार मानोना सांग्रांथि जायाब्ला जेंनाजों मोगा मोगि जानांनो हागौ। उन्दुनाय समाव मुसारि खोंनानै उन्दुनाया गोनांथार। गोदानै जिउ गोमानाय सा 2 सुबुंखौ हाइलाकान्डि जिल्लानि थागिबि होन्ना मिथिनो मोन्नाय जादों। बेराफारसेथिं, मिथिनो मोनबावनाय बायदिब्ला गोदानै सा 14 सुबुंनि देहायाव बे बेरामखौ हमनो मोनबावदों। बिस्वनाथ आरो नगावनिफ्राय सा 3, सनितपुनिफ्राय सा 2, देमाजिनिफ्राय सा 2, बङाइगावनिफ्राय सा 1, दरंनिफ्राय सा 1, गलाघातनिफ्राय सा 1, आरो हजाइ जिल्लानिफ्राय सा 1 Japanese Encephalitis नि गोदान केसखौ हमनो मोन्नाय जादों।