राजस्थान, 26 जुलाइ, 2022: राजस्थाननि कता आस्रमआव जाग्रा जामुं जानानै सा 3 सुबुंफोरा जिउ खहा जादों । बेजों लोगोसेनो सा 15 सुबुंफोरखौ गोब्राब थासारियाव देहा फाहामसालिआव फाहामथाइ होनो थाखाय लानानै थांदों । रिपर्ट मोननाय बादिब्ला, बे आश्रमाव सा 270 सुबुंफोरा फैदोंमोन । आश्रमाव जाग्रा मुवा जानायनि उनावनो बै सुबुंफोरनि देहाया गाज्रि जादों ।
दिनै फुंनि समाव आश्रमाव जामुं जानाय सुबुंफोरा गोबानायनि उनावसो जाथाइया सोरांआव फैदों । रबिबारखालि बेलासिआव बिस गोनां जामुं मोनजानायनि केस मोननो हादोंमोन । बेनि गेजेरावनो सा 3 सुबुंफोरा जिउ खहा जाबाय । सा 15 सुबुंफोरा देहा गाज्रि जानानै फाहामसालियाव फाहामथाइ लागासिनो दं । देहा फाहामथाइ बिफानआ जायगासिम थांनानै जाग्रा जामुं आरो दैखौ नायबिजिरहैदों ।
गाहाय मेडिकेल अफिसार भुपेन्डार सिं तमारआ थासारिनि सायाव बुंदों, बैसोगोरा सुबुंफोरजों लोगोसे माखासे देहायारि आरो गोसोयारि जेंना गोनां सुबुंफोरा बै आश्रमआव थायो । देहा गाज्रि जानाय सा 15 सुबुंफोरखौ फाहामथाइ होगासिनो दं । जाग्रा आदार आरो दैनि सायाव नायबिजिरनायाबो सोलिगासिनो दं ।
