मेट्रिक आनजाद होगिरि सानै फरायसाफोरा गावसोरनि जिउखौ फोजोबनानै लादों।

0
179

गुवाहाटी, 7 जुन, 2022: दिनै मेट्रिक आनजादनि फिथाइखौ फोसावनानै होबाय। रिजाल्ट मोनखांनायनि उनाव जाफुंसारनायफोरनि गोसोआव रंजानाय आरो फेलें जानायफोरनि गोसोआव दुखु मोननाय सोमजिदों। बेनि गेजेरावनो मेट्रिक आनजाद होनाय सानै फरायसाफोरा गावसोरनि जिउखौ फोजोबनानै लायो। मंगलदै ओनसोलाव 15 बोसोर बैसोनि राहुल बरा मुंनि सासे फरायसाया रिजाल्ट नुनायनि सिगांनो समबारखालि गावनि जिउखौ फोजोबनानै लादों। तारिनि बरा आरो आन्ना बरानि फिसाज्लाया बिमा-बिफा गैयै समाव खाबु लानानै फासि नांनानै गावनि जिउखौ फोजोबनानै लादों। बियो बिमा-बिफानि थाखाय गांसे सुसाइट नट लिरनानै गालांदों।

जेराव बियो बिमा-बिफा लुबैनाय बायदि फिथाइखौ होनो हायासै होनना बुंदों। बियो लिरदों, “आइ आरो आफा आं नोंसोर लुबैनाय बायदि होनो हायासै। बेनि थाखायनो आं नोंसोर सानैनिसिमबो निमाहा बियो। आं आसा खालामो नोंसोर सानैबो गाहामैनो थायो”। नाथाय, राहुल बराया आनजादाव उथ्रिनो हादोंमोन। बियो संस्कृत आयदायाव लेटार लानानै नैथि मासियाव उथ्रिसारनो हादों। नाथाय दुखुनांथाव बाथ्रा, बियो गावनि रिजाल्टखौ खोनानो मोनासै। रिजाल्ट मोननायनि सानसे सिगांआवनो बियो गावखौ फोजोबनानै लाबाय।

गुबुन फारसेथिं मेरापानी ओनसोलआव आरोबाव सासे फरायसाया रिजाल्ट मोनखांनायनि उनावनो गावनि जिउखौ फोजोबनानै लादों। चाराइमारि जितर गामिनि थागिबि सबिन चुटिया मुंनि फरायसाया आनजादआव उथ्रिनो हायैनि जाहोनाव गावनि जिउखौ फोजोबनानै लायो। बियो चाराइमारी फरायसालिनिफ्राय आनजादखौ होदोंमोन होननानै मिथिनो मोन्दों।

LEAVE A REPLY

Please enter your comment!
Please enter your name here