पार्टीनि एम.पी.फोरा फावफान्दायब्लाबो बिट्रिश गाहाय मन्थ्रिआ देरहासात जानो हादों।

0
101

गोदान दिल्ली,7 जुन 2022: पार्टीगेट केसआव थाबथानानै थाब्लाबो ब्रिटेइननि गाहाय मन्थ्रि बरिस जनसनआ पार्टीनि सिङाव फोथायजाथावयै भटनि बिथांखि लानायाव देरहासात जानो हादों। जनसनआ मोन 359 भटनि गेजेराव मोन 211 भटखौ मोननो हादों।

फोथायजाथावयै भटखौ देरहानायजों लोगोसेनो बरिस जनसनआ गाहाय मन्थ्रिनि मासियाव थाबाय थानाया थि जाबाय। भटनि फिथायखौ कन्जर्भेटिब पार्टी पार्लियामेन्ट्री ग्रुपनि चेयारमेन Graham Brady आ फोसावदोंमोन। Graham Brady आ बुंदों पार्टीनि संसदीय दोलोआ गाहाय मन्थ्रिनि सायाव फोथायनाय दं।

बरिस जनसननि मासिनि थाखाय खैफोतआ नुजाथियो जेब्ला बिनि हेंथायै फोथायजाथावयै भटखौ दिन्थिग्रा कन्जर्भेटिब पार्टीनि एमपीफोरनि अनजिमाया 54 नि बांसिन जायो। बे अनजिमाया गासै एमपीफोरनि रुजुनायाव 15 जौखोन्दो बांसिन।

पार्टीनि नेम खान्थिनि बायदिब्ला जुदि 15 जौखोन्दो एमपीफोरा गावनि पार्टीनिनो गाहाय मन्थ्रिनि बिबान सामलायनायखौ फोथायथाव मोनाब्ला,गाहाय मन्थ्रिआ फोथायजाथावयै भटजों मोगा मोगि जानाङो।आथिखालाव गाहाय मन्थ्रिआ फोथायजाथावयै भटखौ देरहाबाय। बेनि थाखायनो पार्टीनि नेम खान्थि बायदियै गाहाय मन्थ्रिआ से बोसोरसिम फोथायजाथावयै भटजों मोगा मोगि जानांनाय नंला।

LEAVE A REPLY

Please enter your comment!
Please enter your name here