आसाम, 17 आगष्ट, 2022: डिब्रुगड़नि गंसे फरायसालिआव सोमजिदों मोनसे जाथाइ । थाखो 9 नि सासे फरायसाया सा 5 SENIOR फोरनि लोगो नांनानै बुनायाव गाज्रियै जोखोम जादों । बे जाथाइया डिब्रुगड़ जिल्लानि मरान मुंनि जायगायाव सोमजिदों । मिथिनो मोननाय बादिब्ला, फरायसालिनि सिङावनो बै सेनियर फरायसाफोरा थाखो 9 फरायसाखौ बुनानै जोखोम खालामना गालांदोंमोन । जाथाइखौ मिथिनो मोननानै फरायसालि सामलायगिरिफोरा सा 5 फरायसाफोरखौ फरायसालिनिफ्राय सासपेन्ड खालामबाय । जोखोम जानाय फरायसाखौ थाबैनो देहा फाहामसालिआव फाहामथाइ होनो लानानै थांदों । नाथाय मा जाहोननि थाखाय सेनियर फरायसाफोरा थाखो 9 नि फरायसाखौ गाग्लोबदों दासिमबो मिथिनो मोननाय जायाखै । बेनि सिगांआवबो डिब्रुगड़ जिल्लायाव बेबादिनो मोनसे जाथाइ नुजाथिदोंमोन । डिब्रुगड़ जिल्लानि DON BOSCO HS SCHOOL निफ्राय बेबादिनो एखे जाथाइ सोमजिनायाव सा 29 फरायसाफोरखौ फरायसालिनिफ्राय सासपेन्ड खालामदों । बे जाथाइयाव सा 22 फरायसाफोरा गाज्रियै जोखोम जादोंमोन आरो बेनिफ्राय सा 14 फरायसाफोरखौ ASSAM MEDICAL COLLEGE AND HOSPITAL आव फाहामथाइ होनो थिसन्दोंमोन । थाखो 11 आरो थाखो 12 आव फरायनाय फरायसाफोरनि गेजेराव माखासे बाथ्राखौ लानानै दावराव-दावसि जानायाव बे जाथाइया सोमजिदों ।
