नगाव जिल्लायाव मैदेरजों गाथारजानानै सासे आइजोनि जिउ खहा

0
145

नगाव, 7 जुन, 2022: नगाव जिल्लायाव दिनै मैदेरनि उदखारजों सासे आइजोआ जिउ खहा जादों आरो लोगोसेनो सासे सुबुंआ गोब्राबै जोखोम जायो। जिउ गोमानाय आइजोखौ आसुलता मालिक होननानै सिनायनो हादों। बे जाथाइया राजागाव साहा बागानआव जादों होननानै मिथिनो मोन्दों। जाथाइयाव जोखोम जानाय सुबुंखौ साप्पान मालिक होननानै सिनायनो हादों। जाथाइ जाखांनाय लोगो लोगोसे जोखोम जानाय सुबुंखौ साखाथिनि देहा फाहामसालियाव फाहामथाइ होनो थिसनबाय।

थांनाय दानावबो आसामनिनो गवालपारा जिल्लायाव सासे 16 बोसोर बैसोनि हौवासाखौ मैदेरआ गाग्लोबनानै जिउ फोजोबदों। बे जाथाइया लाखिपुरा ओनसोलनि कुरसापाखरी गामियाव जादोंमोन। सुलुंनि बादिब्ला, गासै मा 40 निख्रुइबो बांसिन हाग्रानि मैदेरआ खाथि-खालानि गामिफोराव थांनानै सुबुंफोरखौ गाग्लोबनायजों लोगोसेनो सुबुंफोरनि धोन-सम्पथि माइ, आबाद, न-बां फोरखौ सिलिंखार खालामनानै होयो।

LEAVE A REPLY

Please enter your comment!
Please enter your name here