उत्तर प्रदेशआव गावनि बिमाखौ गावथारदों सासे फिसाज्लाया

0
128

लक्ष्नौ, 8 जुन, 2022: उत्तर प्रदेशआव मोनसे सोमोनांथाव जाथाइ । गेम गेलेनो बादा होनायाव गावनि बिमाखौ गुलि गावनानै जिउ फोजोबदों सासे उन्दै हौवासाया । गोथै देहानि सेवनाय मोनामनायखौ 3 सानसिम रुम मोदोमनाय सारनानै दोनखोमादों बे उन्दै हौवासाया । पुलिसनि नायबिजिरनायनि गेजेरजों मिथिनो मोननाय बादिब्ला, उन्दै हौवासाया PUBG गेलेनायनि हुदा दंमोन ।

गेम गेलेबाय थानायाव रायजानायनि थाखाय बिफानि लाइसेन्स गोनां रिभलभारजों बियो बिमाखौ गावथारदों । दायनिगिरि हौवासाया बिमाखौ बुथारखांनायनि उनाव गावनि उन्दै बिनानावखौबो न’नि गंसे खथायाव दरजा फांथेनानै दोन्दों । 3 सानसिम बियो गोथै सह’खौ न’ सिङावनो दोनखुमानानै दोन्दोंमोन । बे जाथाइया लक्ष्नौनि पीजीआइ ओनसोलआव जादों ।

मोनामनाया बारा जालांनायनि उनाव दायनिगिरि हौवासाया बिफानो फन खालामनानै जाथाइनि फारसे फोरमायहरो । जाय आसामआव रैखाथि सान्थ्रिनि बिबान मावफुंगासिनो दं । जाथाइखौ मिथिनो मोननायनि उनाव बिफाया लक्ष्नौ पुलिसनो गासै जाथाइखौ फारियै बुंथिना होयो । बेनि उनाव पुलिस हानजाया जाथाइथिलिसिम थांनानै हौवासाखौ हमबाय।

LEAVE A REPLY

Please enter your comment!
Please enter your name here