गोदान दिल्ली, 5 आगस्ट 2022: सम सम बुंनाय जायोदि मिथिंगानि बिखायाव गाहाम देहानि सम्पदआ थाखोमानानै दङ।नाथाय जों बेखौ थि रोखोमै बाहायनो रोङा।लैथोमा,दैमा-दैसाआव थानाय माखासे सिफुडखौ जों जायो।सिफुडआव Nutrients बायदि प्रटिन ,भिटामिन,अमेगा-3 बायदिखौ गोबां बिबांनि मोननाय जायो।बेयो देहानि थाखाय गोबां मुलाम्फा गोनां।
![fish seafood good for diabetes](https://bodolandradab.in/wp-content/uploads/2022/08/fish-seafood-good-for-diabetes.jpeg)
डायबिटीस बेरामिफोरा सिफुडखौ जाब्ला माखासे मुलाम्फा मोननायखौ फोरमायनाय जाबाय…
- Salmon नाआ टेस्ट आरो हेल्थ मोननैनिबो पारफेक्ट मिक्सार।Salmon नानि Nutrients आव अमेगा-3 ,फेटी एसिडखौ थोजासे बिबांनि मोननो हायो।जाय डायबिटीस बेरामिफोरनि थाखाय मुलाम्फा गोनां।
- डायबिटीस बेरामिफोरनि थाखाय साम’आबो मुलाम्फआ गोनां।साम’खौ डायबिटीस बेरामिफोरनो संनायनि सिगां दैआव तेजपात बिलाइ होनानै सोमहाबनांगौ।बेजों डायबिटीज बेरामिफोरा मुलाम्फा मोनगोन।
- Tuna नाआ मोनसे पपुलार सिफुड। बेखौ गोबाव समसिम फ्रिजाव दोननानै जानो हागोन।टुना नाखौ सरासनस्रा महरै थावआव सोमहाबनानै दोननाय जायो।जायजों गोबां बिबांनि मेजेमा गैआ जालाङो।नाथाय डायबिटीज बेरामिफोरनो Tuna नाखौ थावनि अनगायै दैआव सोमहाबनानै दोननाय जायो।बेबायदि खालामब्ला Tuna नानि एक्सट्रा केलरिजआ गैआ जालाङो।बेनि थाखायनो बेयो डायबिटीस बेरामिफोरनि थाखाय मुलाम्फा गोनां।
- नाथुराव कलेस्ट्रला गोबां बिबांनि आरो मेजेमा खम थायो।बेनि जाहोनावनो डायबिटीस बेरामिफोरा सप्ताहआव खनसे नाथुरखौ जानो हागोन।नाथाय बेखौ बांद्राय थाव होनानै संनो नाङा।
- खावयै नाआव मेजेमा खम आरो प्रटीना गोबां बिबांनि थायो।बेनि थाखायनो डायबिटीस बेरामिफोरनि थाखाय खावयै नाआ मुलाम्फा गोनां।
(NOTE: बे खौराङा सरासनस्रा खौरां,बे खौरांखौ बाहायनायनि सिगां फाहामगिरिनि बोसोन लाग्रो।)
![Shrimp seafood for diabetes free](https://bodolandradab.in/wp-content/uploads/2022/08/Shrimp-seafood-for-diabetes-free.jpeg)