गोदान दिल्ली,5 आगस्ट 2022: खोला सानजाआव चीन आरो ताइवाननि गेजेराव दावराव दावसि जानाया बांदो।बेनि गेजेराव ब्रिटेइन संसदआ चीनखौ गोमो होदों।ब्रिटेइननि संसदआ चीननि एप Tiktok एकाउन्टखौ बन्द खालामबाय।मानोना ब्रिटेइननि एमपिफोरा चीनखौ बे एपजों संगालि खालामनो हागौ होननानै सनदेह’ खालामदों।
रिपर्टनि बायदिब्ला Tiktok एपआ चीननि पेरेन्ट कम्पानि ByteDance नि ।ब्रिटेइननि संसदआ Tiktok एकाउन्टखौ बांसिननिफ्राय बांसिन लाइमोनफोरखौ राजखान्थिनि फारसे गोसो बोहोनो थाखाय बानायदोंमोन।
मख’नो गोनादि चीन आरो ब्रिटेइननि गेजेराव जेंनाआ बांदोंमोन जेब्ला ब्रिटेइनआ चीननि फर्म Huawei खौ 5G नेटवार्कआव बाहागो लानायखौ होबथादोंमोन।आथिखआलाव Tiktok निफ्राय ब्रिटेइन संसदआ एकाउन्टखौ बन्द खालामना होनायाव चीनआ गोमोनांदों।बेनि सिगां चीननि सायाव संगालि खालामनायनि माखासे खेब बार ब्रिटेइनआ दाय जाबसिनखांबाय।
ब्रिटेइननि एमपिफोरा Tiktok बाहायगिरिनि डेटाखौ लानानै जिंगा सिदोंमोन।एमपिफोरा ब्रिटेइन संसदनो लाइजाम लिरनानै बुंदों चीननि सरकारा Tiktok एपजों जोंनि सुबुंथिनि डाटासिम सौफैनो हागौ।बेयो मोनसे गिदिर जिंगानि बाथ्रा।ब्रिटेइन संसदनि बुंथिगिरिआ बुंदों एमपिफोरनि दाबि दैखांनायनि उनाव चीननि Tiktok एकाउन्टखौ बन्द खालामनाय जाबाय।
