गुवाहाटी, 5 आगष्ट, 2022: आसामनि नगाव जिल्लायाव मोनसे सोमोनांथाव जाथाइया सोरांआ फैदों । बृहस्पतीबारखालि खिग्रा न’नि टेंकिनिफ्राय बोखांदों सासे सुबुंनि बेगें । बे जाथाइया नगाव जिल्लानि सिङाव थानाय कालियाबरनि कुथरी ओनसोलाव सोमजिदों । रिपर्टनि गेजेरजों, बोखांनो हानाय बेगेंखौ उमेश बरानि होननानै सन्देह’ खालामनाय जादों । थांनाय 3 दान सिगाङाव उमेश बरानि बिसिआ बागरी पुलिस थानायाव फिसाइखौ गोमानायनि अजद होदोंमोन । अजद होनाय बादिनो पुलिसआ जाथाइनि सायाव नायबिजिरदों । जायगानि पुलिसजों लोगोसेनो EXECUTIVE MAGISTRATE उमेश बरानि नआव थांनानै संदाननायनि गेजेरजों बेगेंखौ खिग्रा न’नि टेंकिनिफ्राय बोखांनो हायो । बेनि उनाव जाथाइनि सायाव गोख्रोंयै नायबिजिरनायखौ जागायो । अदेबानि, सोंथि सोंनायनि गेजेरजों पुलिसआ उमेश बरानि बिसिखौ माजिबुर मुंनि सासे गुबुन हौवाजों मोजां मोनज्लायनायनि सोमोन्दो दं होनना सन्देह’ खालामदों आरो रहमानजों लोगो नांनानै बिसिआनो फिसाइखौ बुथारदों होननाबो सन्देह’ खालामदों । पुलिसआ बिसोर सानैखौ आरोबाव सोंथि सोंनो थाखाय लानानै थांबाय । बेजों लोगोसेनो जाथायनि सायाव नायबिजिरनाया दासिमबो सोलिगासिनो दं ।
