आसामनि दै बानानि थासारिया मोजाङाव फैबाय नाथाइ गं 3 जिल्लाया दिनैसिमबो दैनि सिङाव दं।

0
119
Assam Flood

गुवाहाटी, 9 जुन, 2022: थांनाय माखासे सान सिगां जुब- जुब अखा हाबाय थानायनि जाहोनाव आसामनि गोबां जिल्लाफोराव दै बानानि थासारि सोमजिदोंमोन। दै बानानि थासारिया गोहोम गोग्लैनाय गासै जिल्लाफोरावनो थासारिया मोजाङाव फैनायखौ नुनो मोन्दों। नाथाइ, गं 3 जिल्लाफोरा दिनैसिमबो दैनि सिङाव थानो गोनां जागासिनो दङ। मिथिनो मोननाय बायदिब्ला, रायजोनि सिङाव थानाय मोनसेबो गाहाइ दैमाफोरा बे समाव गिख्रंथाव महर लानायखौ नुनो मोननाय जायाखै। जाथाइजों बुगिनांनाय सुबुंनि अन्जिमायाबो बे समाव खमायनायखौ नुनो मोन्दों। बे बोसोराव आसामाव दै बानानि जाहोनाव जिउ गोमानाय सुबुंनि अन्जिमाया सा 38 होननानै मिथिनो मोननाय जादों।

Assam State Disaster Management Authority आ फोरमायनाय बायदिब्ला, 12,512 सुबुंफोरा दिनैसिम्बो दैनि सिङाव दं। मिथिनो मोननाय बायदिब्ला, काचार, दिमा हासाव आरो मरिगाव जिल्लाफोरा दिनैसिमबो दैनि सिङाव गोदोनानै दङ। आरो गं 34 गामिफोरा दिनैसिमबो दैनि सिङाव थानो गोनां जागासिनो दङ। गुबुन गुबुन जिल्लाफोरनि गेजेराव काचार जिल्लायानो बांसिनै बे जेंनाजों गोहोम गोग्लै जानांदों। काचारनि गासै 10,325 सुबुंफोरा दै बानानि जेंनाजों मोगा मोगि जानांदोंमोन।

LEAVE A REPLY

Please enter your comment!
Please enter your name here