(करना भाइरासनि ब्रैथि दोहौआ जागायजेनफिन्दों, सा 3,712 गोदान केस)
गोदान दिल्ली, 2 जुन: भारत हादरनि गेजेराव जागायजेनफिन्नो हमदों करना भाइरासनि ब्रैथि दोहौआ। दासान्दि करना भाइरासनि गोसारनाया हादरनि गेजेराव गोख्रै बारायफिन्नो हमनाय समावनो दिनै कंग्रेस दोलोनि आफादगिरि सानिया गान्धीआ करना भाइरासजों सन्देरजानाय रिपर्टआ सोराङाव फैदों। कंग्रेस दोलोनि बुंथिगिरि रणदीप सुरजेबालाआ सनिया गान्धीनि देहायाव करना सन्देरनायनि बाथ्राखौ मिथिहोयो। कंग्रेस दोलोनिफ्राय मिथिहोनाय बादिब्ला, दोलोनि आफादगिरि सनिया गान्धीनि देहायाव टेस्ट खालामनायनि गेजेरजों करनानि सन्देरनाय इसे लैक्षोनखौ मोन्नाय जादों। सनिया गान्धीआ करना सन्देरनाय रिपर्टखौ मोन्नाय लोगो-लोगो गावखौनो आइस’लेट खालामना थादों।
मखनो गोनांदि, करना भाइरासनि ब्रैथि दोहौआ गोख्रै जागायजेनफिन्नायजों थांनाय 24 घन्टानि गेजेराव भारतआव सा 3,712 सुबुंफोरनि देहायाव करना सन्देरनायनि गोदान पजिटिभ रिपर्टखौ मोन्दों आरो देहा फाहामथाय लानाय समाव सा 14 सुबुंफोरा जिउ गोमादों।
