गुवाहाटी, 22 आगष्ट, 2022: लक्षिमपुर मेडिकेल कलेजआव CT SCAN खालामग्रा सानै सुबुंखौ पुलिसआ हमदों । दासान्दि घुष लानायनि दायाव हमजादों गुबुन गुबुन बिबानगिरिफोरा । बेबादि समावनो लक्षिमपुर मेडिकेल कलेजआव नुजाथिदों मोनसे सोमोनांथाव जाथाइ । लक्षिमपुर मेडिकेल कलेजनि सानै मावफारियाआ बेरामिनि CT SCAN खालामखांनायनि उनाव रां बिदोंमोन । जेराव सानै बेरामिफोरा बिपिएल कार्डनि जोहै फाहामथाइ लानो फैदोंमोन । सानै टेक्नेसियान मावफारिया DHARJIYA BURAGOHAIN आरो TULTUL DAS खौ आयेननि बेरेखा हाबा मावनायनि दायाव पुलिसआ हमनानै लांबाय । मिथिनो मोननाय बादिब्ला, हमजानाय सानै सुबुंआ हेमलता शइकिया आरो उर्मिला दास मुंनि बेरामिफोरनिफ्राय सासेयाव 1600 रां दाबि खालामदोंमोन । मख’नो गोनांदि, जाथाइखौ खौरांगिरिफोरनो खौरां हरनो नागिरनायाव बिसोरो रांखौ उर्मिलानो गथायफिन्दोंमोन । जाथाइया सोरांआव फैनायनि उनाव सानैबो मावफारियाखौ साख्रिनिफ्राय बोख्लायबाय ।
