डिमा हासाव जिल्लानि सुबुंफोरा NH 27 लामानि गाज्रि थासारिखौ लानानै सोमावसारदों।

0
156
Dima Hasao Locals protest over NH 27 Bad Road

गुवाहाटी,12 जुन 2022: आसामनि डिमा हासाव जिल्लायाव हरंगाजावनि सुबुंफोरा NH 27 लामानि गाज्रि थासारिखौ लानानै सोमावासारदों आरो सरकारनाव बे लामाखौ थाबैनो बानायफुंनो थांखि लानो दाबि दैखांदों। जाटिंगा आरो हरंगाजावनि गेजेराव थानाय 25 किलमिटार लामाखौ थाबैनो बानायफुंनो दाबि दैखांनायखौ लानानै सुबुंफोरा ओंखार बोनानै लामायाव जाम खालामदों।

सुबुंफोरनि लामा जाम खालामनायनि जाहोनाव हाफ्लं – सिलचराव गारि मटरफोरनि थांलाय- फैलाय खालामनाया गोबां गोहोम गोग्लैदों। हरंगाजाव आरो सिलचरखौ सरजाबग्रा लामाखौ NHIDCL गेजेरजों बानायनाय जादों। बेजों सोमोनदोआव मोनसे गोसोखां बिलाइखौ जिल्ला खुंथायनो गथायनाय जादों आरो लामा बानायनाय हाबा फारिखौ थाबैनो मावफुंनो गनायथि होनो खावलाइदों।

डिमा हासाव जिल्लानि लेङाइ कमिसनार इबन टरेनआ बुंदों बावयैसो समाव सा – सानजा ओनसोलाव थाद’नाय गोयै अखा हाबाय थानायनि जाहोनाव दै बाना लोमसावनाय आरो हा दामोल गिसिखानायनि जाहोनाव NH 27 लामानि माखासे बाहागो गोबां खहा जादों।

बे जेंनानि सोमोनदै डिमा हासाव जिल्लानि जिल्ला बेंगिरिया NHAI नि बिबानगिरिफोरजों सावरायदों। नाथाय लामा बानायनायनि हाबा फारिया लासै जानायखौ नुनो मोननाय जादों।
जायगानि सुबुंफोरा दाय जाबसिनदोंदि लामानि दालाङा गाज्रि जादोंमोन। जेराव दालां बानायनांगौ बेवहायनो लामा बानायदों। लामाया गाज्रि जानायनि जाहोनाव माखासे सुबुंफोरखौ हाफ्लंनि देहा फाहामसालिआव थाबैनो लांनो हायाखै ,जायनि जाहोनाव सुबुंफोरनि जिउया गोमादों।

LEAVE A REPLY

Please enter your comment!
Please enter your name here